Billettane vil alltid vera billigast dersom du kjøper tidleg og blir dyrare jo nærare me kjem festival. Billettinntektene er den viktigaste inntekta for Utkant så tilbodet på tidlege billettar er for å gi ein fordel og takk til dei som kjøper tidleg. Billettane kan ikkje refunderast eller byttast. Dersom du ikkje kan bruka billetten din tilrår me deg å gi han til ein venn eller vidareselja han via godkjende kanalar, som Ticketswap.no. Hugs at det er ulovleg å selja billetten for meir enn du kjøpa han for.

Du finn billettane ved å klikke på “Bilettar” i menyen på nettsia eller søke opp Utkant på Ticketco.no

Utan verje vil billettar for dei under 18 år vere ugyldig. Billettar vert ikkje refundert, så ver merksam på at festivalen har ei verjeordning som tydar at ungdom under 18 år ikkje kjem inn på festivalområdet utan verje over 30 år. Korkje verje eller ungdom kan vere alkoholpåverka.

Verja er ansvarleg for dei mindreårige så lenge dei oppheld seg på og ved Utkant. Verja skal vere saman med, og ha dei mindreårige under oppsyn, gjennom heile opphaldet på og ved Utkant.

Reglar for verjeordninga:

Som verje vert akseptert person fylt 30 år, og/eller som er forelder til den mindreårige.

Verja og ungdommen kan ikkje nyte alkohol eller rusmidler på Utkant.

Verja må legitimera seg og levera utfylt verjekontrakt ved inngang til Utkant.

Verja kan ha ansvar for maksimalt 2 mindreårige

Born/ungdom under 18 år skal til kvar tid vera saman med og under oppsyn av sine føresette/verje

Born under 18 år skal ikkje stå fremst føre scena, der det kan vera press Frå publikum.

Vêr vennleg å gi beskjed til vaktar om noko ikkje er som det skal vera.

Det er viktig å verna barns (og voksnes) øyre, med ørepropper.

Verja skal ha mobiltelefon med vibreringsfunksjon på under heile opphaldet på og vedUtkant.

Mindreårige og/eller verje som kjem rusa til Utkant vil verta avvist.

Vi oppfordrar mindreårige og verjer å dra heim før kl 23

NB: Hugs gyldig legitimasjon – bankkort med bilete, førarkort eller pass.

Last ned Verjekontrakt UTKANT og lever det ved festivalinngangen.

Utkant har inga aldersgrense, men born og ungdom under 18 år skal ha fylgje av godkjent verje.

Born under 13 år slepp inn gratis i fylgje med betalande vaksen. Me ber foreldre om å ta ansvar og omsyn til konsertanes art og tidspunkt. Enkelte konsertar kan spele på uttrykk som opplevast skremmande for born. Born under 13 år må og ha billett, send oss ein e-post for å få ein slik billett.

Ungdomspass er kun for ungdom i alderen 13-17. Er du fylt 18 nyttar du vanleg billett – hugs at legitimasjon kan verte kravd.

Born og ungdom under 18 har kun tilgjenge til festival saman med godkjent verje

Festivalpass og ungdomspass gjeld heile festivalen (alle konsertar)

Det er billegare med festivalpass enn individuelle dagspass

Gyldig billett framvisast ved inngong og byttast i armband

Alle med nedsatt funksjon er hjartleg velkomne på Utkant og dei aller fleste stadar er framkommeleg med rullestol, men merk at det er grusveg og ein bratt bakke for å nyte sikta til Dronningscena. Du må sjølv ha gyldig billett (festivalpass/dagspass), men hvis du treng ledsager så kjem denne inn gratis mot framvisning av ledsagarbevis, men ta kontakt med billett@utkant.com slik at vi veit at dere kjem.

Ledsagerbevis kan søkast om her: https://gulen.kommune.no/innhald/helse-sosial-og-omsorg/nedsett-funksjonsevne/sokje-folgjebevis/# eller i di heimkommune.

Det vil vere HC-toalett tilgjengleg på området. Utkant tilbyr diverre ikkje teleslynge/tolketjeneste per no.

PARKERING

Ta kontakt på førehånd om du treng hjelp til handicap-parkering. Vi har ikkje parkering på området, så det blir uansett et stykke unna.

Alt hittegods som blir funne under festivalen kan leverast og bli henta i landhandel/kiosken på Skjerjehamn.

Det er legitimasjonsplikt ved alle serveringsstadar som sel alkoholhaldige drikkar. Godkjent legitimasjon er bankkort med bilete, førarkort eller pass. Dersom det vert oppdaga at legitimasjon vert nytta uriktig, eller er falsk, vil politiet bli tilkalt. Uriktig bruk av legitimasjon eller fremvisning av falsk legitimasjon vil bli anmeldt.

Vaktmannskapet vårt er instruert til å være observante ovanfor synleg berusa personar. Vaktleiar har, i samband med politiet, offisiell myndighet til å avkreve legitimasjon og eventuelt foreta utvisning. Unge personar som vert observert nytande alkohol, kan verte kravd for legitimasjon. Dersom dei er under 18 år eller ikkje kan framvise legitimasjon, vert alkohol inndregen.

Verjer og personar under 18 år som vert sett nytande alkohol vil bli fratatt alkoholen, bortvist fra området og politianmeld.

Mellom kl. 12:00 – 02:00 er det ikkje tillatt å frakte alkohol over området, då heile Skjerjehamn er skjenkeområde i dette tidsrommet.

Vi kan vere behjelpelege med å frakte alkohol rundt holmen i båt i tidsrommet 16:00 – 20:00. Dette er eit tilbod som KUN gjeld for folk som kjem med hurtigbåt og skal over i camp, eller med buss og skal over i båthamn.

OBS! Båtfrakt av alkohol rundt holmen skjer fullstendig på eige ansvar.

Vi oppmodar alle til å benytte seg av Skjerjehamn sine serveringstilbod også på dagtid! :)