Transport

Sjøvegen

Norled sine ekspressbåtar Bergen – Nordfjord og Bergen – Sogn går forbi to gongar om dagen. Frå Bergen til Skjerjehamn tek det ca. 1,5 time med båt. Båten stoggar i Skjerjehamn alle dagar under Utkant. Det vil under heile festivalen vere lokal båtskyss til og frå Eivindvik og Mastrevik.

Leig din eigen båt

Fonnes båtservice har 24 timars døgnservice . På bestilling kan dei hente og bringe våre gjester både fjernt og nært. Båtene har plass til 12 og 18 passasjerar. Perfekt for mindre grupper som vil gjere reisa til ei oppleving og ønskjer større fleksibilitet. Kontakt Fonnes Båtservice for booking: Vakttelefon: 91 60 61 57 / 95 78 44 11 tommy@fonnesbatservice.no

Kom med din eigen båt

Kva hadde Utkant vore utan det yrande båtlivet?  Plott inn 60°56′32,4″N 4°57′17,6″Ø på kartplottaren og ta turen! Det er stor kapasitet i hamna i Skjerjehamn. Vårt hamnelag vil sikre ei forsvarleg og god plassering av båtane og det forventast at båtførar følgje instruksane frå hamnevakta. Det er ikkje mogleg å reservere plass i hamna. Fordi det er svært mykje båtar i hamna denne helga er det begrensa moglegheit for å gje landstraum eller vatn til båtane. Alle ombord i båtane må ha gyldig festivalbillett.

Buss

For å kome til Utkant oppmodar me flest mogleg å nytte offentleg transport. Det er sett opp eigne bussrutar frå Dalsøyra, Duesund, Gråvika, Byrknes, Sandøy, Mjømna.

Parkering

Me gjer merksam på at du kan ikkje køyre heilt fram til festivalen. Du vil ved ankomst verte henvist til næraste ledige parkering, enten på Randal, Mjømna eller Byrknes.

Frå desse plassane går det buss, og parkering er inkludert i bussbilletten.

Frå Bergen til Skjerjehamn med bil

Det tek knappe 2 timar å køyre frå Bergen til Skjerjehamn med bil. Køyr mot Knarvik og ta av til Mongstad på riksveg 57. På Mongstad (Leirvåg) går det ferge kvart over kvar heile time. Ferga tek ca. 20 minuttar. Følg så skiltinga til Byrknes og ta av før Mjåsundbrua til Skjerjehamn.

Frå Sunnfjord til Skjerjehamn med bil

Etter ferga Lavik – Oppedal tek du av vegen ved Kringla. Køyr deretter først mot Duesund og så mot Rutledal. Ta av til Sløvåg. Følg så skiltinga til Byrknes og ta av før Mjåsundbrua til Skjerjehamn. Lykke til og køyr forsiktig!

Frå Bergen til Skjerjehamn i sjøfly

Scandinavian skies flyg frå Sandviken til Skjerjehamn på 20 minutt. Turen kostar 3 500,- og det er plass til fire personar.